17:43, 14 қазан 2025
16 қазан күні «Қазтелерадио» АҚ 2025 жылдың төртінші тоқсанына жоспарланған профилактикалық жұмыстарды жүргізеді, деп хабарлайды Zakon.kz.
Компанияның мәліметінше, сол күні сағат 03:00-ден 17:00-ге дейін спутниктік, цифрлық және аналогтық эфирлік желілердегі техникалық құралдарда қызметтер уақытша тоқтатылады.
«Жұмыс жүргізу барысында еліміздің бүкіл аумағында телерадиоарналарды қайта тарату уақытша тоқтатылады», — делінген хабарламада.
«Қазтелерадио» АҚ түсіндіргендей, бұл жұмыстар телерадио хабарларын үздіксіз және сапалы тарату үшін қажет.
«Компания телехабар тарату сапасын арттыру және тұрақтылығын қамтамасыз ету мақсатында тоқсан сайын профилактикалық жұмыстар жүргізеді», — деп атап өтті мекеме өкілдері.