14:26, 22 ақпан 2025
Атырауда ірі-қара жаппай қотыр ауруына шалдығып жатыр. Малшылар бұған тасқыннан кейін каналдарға судың келмеуі түрткі болды деп отыр. Өйткені мал күзден бері арналардағы қалдық суды ішкен. Соның салдарынан сиырлар жаппай кеселге ұшырап жатыр, деп хабарлайды Zakon.kz.
Атырау маңындағы шаруа қожалықтар тасқынның зардабынан арылар емес. Енді малы кеселге ұшырап жатыр. Шаруалардың айтуынша, арналарға келетін су жолдары аршылмаған. Сондықтан төрт түлік былтырғы жаздан бері каналдағы борсыған қалдық суды ішіп жатыр дейді шаруалар.