Казгидромет алдағы үш күнге арналған ауа райы болжамын ұсынды, деп хабарлайды Zakon.kz тілшісі.
Республиканың басым бөлігінде 7, 8 және 9 қазан күндері ашық ауа райы сақталады.
«Алдағы күндері елдің көпшілік өңірінде солтүстік-батыс антициклонының әсерінен күн ашық болады. Тек республиканың солтүстігі мен шығысында атмосфералық фронттардың өтуіне байланысты жаңбыр мен қар түрінде жауын-шашын күтіледі. Ел аумағында жел күшейіп, тұман түседі, ал оңтүстік пен оңтүстік-батыста шаңды дауыл болуы мүмкін», – деп мәлімдеді РГП «Қазгидромет».
Сондай-ақ синоптиктер кейбір өңірлерде ауа температурасының төмендеуі күтілетінін атап өтті:
Солтүстік және орталық өңірлерде түнде ауа температурасы –1…–7°С дейін төмендеп, күндіз +4…+16°С шамасында болады;
Шығыс аймақтарда түнгі суық –5…–13°С дейін жетіп, күндіз +3…+11°С аралығында сақталады.
«Елдің қалған аумақтарында ауа температурасы біртіндеп жоғарылайды», – делінген «Қазгидромет» хабарламасында.
Бұған дейін синоптиктер Астанада аяз, Алматыда жылымық, ал Шымкентте жылы ауа райы болатынын хабарлаған еді.