09:52, 26 ақпан 2025
Қазақстанда көктемнің келуімен Қызыл кітапқа енген сирек өсімдіктер гүлдей бастады, деп хабарлайды Zakon.kz.
Олардың ішінде Алатау бәйшешегі мен Кессельринг лапызы бар – ерекше сәндік және дәрілік қасиеттерге ие өсімдіктер.
«Бұл өсімдіктер табиғаттың көркін ашады, алайда олардың саны жыл сайын азайып келеді. Ғылым мен экология үшін маңызы зор бұл түрлерді сақтау – болашақ ұрпаққа аманат»,- делінген ақпаратта.
Мамандар олардың табиғи мекендеу ортасын қорғауға және заңсыз жинамауға шақырады.
Бұған дейін Жамбылда шибөрілер ауыл ішіне кіре бастағаны хабарланған болатын.