Шымкент қалалық №2 аурухана перзентханасында 1984 жылы туған ана табиғи жолмен, ешқандай асқынусыз 6700 грамм салмақтағы сәбиді өмірге әкелді, деп хабарлайды Zakon.kz.
«OTYRAR» телеарнасының дерегіне сүйенсек, сәби — ұл бала, әрі отбасындағы алтыншы перзент. Бұған дейінгі бес баланың төртеуі ұл, біреуі қыз.
«Ана да, бала да аман-есен, жағдайлары жақсы. Ең таңғаларлығы — алып баланы анасы өзі босанып, ота да, күрделі араласу да қажет болмады»,- делінген ақпаратта.
Шымкентте жыл басынан бері 6719 сәби дүниеге келген. Оның ішінде 3271-қыз бала, 3448-ұл бала.
Бұған дейін Түркістан облысында қарызын өтеу үшін мал ұрлығын жасағандар ұсталғандығы хабарланған болатын.