16:03, 20 мамыр 2025
Мемлекет басшысы Қасым-Жомарт Тоқаев Румыния Президенті Никушор Данға құттықтау жеделхатын жолдады. Бұл туралы 2025 жылғы 20 мамырда Қазақстан Республикасы Президентінің баспасөз қызметі айтты, деп хабарлайды Zakon.kz.
Қасым-Жомарт Тоқаев Никушор Данды Румыния Президенті лауазымына сайлануымен құттықтады.
«Бұл жеңісіңіз – халқыңыздың Сізге және Румынияның дамуын баянды етуге бағытталған маңызды жоспарларыңызға көрсеткен қолдауы мен сенімінің айқын дәлелі деп білемін. Бірлескен күш-жігеріміздің арқасында Астана мен Бухарест арасында қалыптасқан дәстүрлі достық пен өзара тиімді ынтымақтастық алдағы уақытта да нығая түсетініне үмітім зор», – делінген жеделхатта.