12:04, 22 сәуір 2025
Танымал қазақстандық әнші Ерке Есмахан оқырмандарының сұрақтарына жауап беретін Stories-тер желісін жариялады, деп хабарлайды Zakon.kz.
Онда әнші қазіргі басты назары жүктілігінде екенін, жақын арада саяхаттауды жоспарламағанын жазды.
«Бәрі жақсы болса, 40 күн бойы баламен үйде боламын», – деді әнші.
Сондай-ақ, ол гендерлік пати өткізбейтінін де атап өтті.
Ер адамды сыйлық жасауға қалай үйрету керек деген сұраққа Ерке «ер адамды үйретудің қажеті жоқ», деп нық айтты.
«Егер ол жақсы көрсе – бәрін өзі-ақ жасайды. Бастысы – назарды өзімізге қою керек»,- деді ол.
Оқырмандары Еркенің ашықтығы мен шынайлығына тәнті болып, алғыстарын білдірді.
Бұған дейін Рим Папасының қазасы Димашты да бей-жай қалдырмағандығы жайлы жазған болатынбыз.