11:47, 9 маусым 2025
2025 жылғы 9 маусымда Ақордада Қазақстанға ресми сапармен келген Болгария Президенті Румен Радевті салтанатты түрде қарсы алу рәсімі өтті, деп хабарлайды Zakon.kz тілшісі.
Румен Радев Қасым-Жомарт Тоқаевтың жеке шақыруымен келді. Хаттамаға сәйкес, мемлекет басшысы жоғары мәртебелі мейманды резиденцияның кіреберісінде жеке өзі қарсы алды.
Сурет: akorda.kz
Бұдан кейін тараптар ресми делегация мүшелерін бір-бірімен таныстырды. Одан кейін өзара құрмет пен дипломатиялық дәстүрдің белгісі ретінде сәлемдесу арқылы қол алысу болды.
Сурет: akorda.kz
Құрметті қарауыл ротасының басшысы президенттерге құттықтау рапортын беріп, одан кейін екі елдің әнұраны шырқалды.
Сурет: akorda.kz
Салтанатты рәсімнен кейін Қасым-Жомарт Тоқаев пен Румен Радев келіссөздер залына бет алды.
Сурет: akorda.kz
Жоғары деңгейдегі келіссөздер барысында қазақстандық-болгар сауда-экономикалық және инвестициялық ынтымақтастығын дамыту перспективалары талқыланатыны бұрын хабарланған болатын.