16:19, 28 маусым 2025
Астана тұрғындары мен қонақтарына Шыңғыс Айтматов көшесінде басталатын орташа жөндеу жұмыстары туралы ескерту жасалды, деп хабарлайды Zakon.kz.
Қалалық көлік және жол-көлік инфрақұрылымын дамыту басқармасының мәліметінше, жөндеу жұмыстарына байланысты 28 маусым мен 5 шілде аралығында Қ. Мұхамедханов көшесінен Қорғалжың тас жолына дейінгі аралықта қозғалыс ішінара шектеледі.
«Көлік қозғалысы кезең-кезеңімен, екі бағытта да жолдың бір жағымен ұйымдастырылады», — деп хабарлады басқарма.
Жүргізушілер мен жаяу жүргіншілерге бағыттарын алдын ала жоспарлап, қозғалыс сызбасындағы өзгерістерді ескеруге кеңес беріледі.
Қауіпсіздікті қамтамасыз ету және қолайсыздықты азайту мақсатында уақытша жол белгілері мен көрсеткіштер орнатылады.