15:04, 27 ақпан 2026
2026 жылғы 1 наурыздан бастап Алматы қаласындағы Нұркент шағынауданында №84А автобус бағытының қозғалыс сызбасына өзгерістер енгізіледі, деп хабарлайды Zakon.kz.
Бұл туралы 2026 жылғы 27 ақпанда қалалық көлік холдингінің Telegram-арнасында жарияланған мәлімдемеде айтылды.
Мәліметке сәйкес, маршрут «Алматы Арена» аялдамасынан «Халыққа қызмет көрсету орталығы» (ХҚКО) аялдамасына дейін ұзартылады.
«Бағыттың соңғы аялдамасы өзгеріссіз қалады», – деп нақтылады мамандар.
Сондай-ақ Алматыда 26 ақпаннан бастап №221 автобус бағытының қозғалыс сызбасы да өзгергені белгілі болды.