09:49, 21 наурыз 2025
Қазақстанның бірқатар өңірінде 2025 жылдың 21 наурызында таңғы сағаттан бастап кейбір бағыттар бойынша тасымалдау шарттары өзгерді. Ақпаратты Zakon.kz сайтына «ҚазАвтоЖол» ҰК» АҚ хабарлады.
Сағат 08:00-де келесі республикалық маңызы бар автомобиль жолдарында жүк көліктері үшін қозғалыс ашық:
Солтүстік Қазақстан облысы
- айналма жолды қалпына келтіру жұмыстарының аяқталуына байланысты «Астана – Көкшетау – (айналма жолымен) – Петропавл – РФ шекарасы» KAZ02 автожолының 496-465 км учаскесі (Мамлют ауданы, Мамлютка қаласынан Ресей Федерациясының «Жол» шекаралық бақылау-өткізу пунктіне дейін) көлік қозғалысы қолжетімді;
Сонымен қатар, сағат 08:00-ден бастап екі облыста республикалық маңызы бар жолдарда көлік қозғалысына шектеулер енгізілді.
Ақтөбе облысы:
- «Қандыағаш-Ембі-Шалқар-Ырғыз» а/ж 3-92 км (Қандыағаш қ. – Ембі қ.).
Қостанай облысы:
- «Мариновка ауылына кіру» а/ж 9 км.
Қазір жол жөндеу жұмыстарына 104 арнайы техника мен 142 маман жұмылдырылған.
Қазақстандықтар жолдардың жай-күйі туралы қосымша ақпаратты тәулік бойы жұмыс істейтін 1403 Call-орталығына қоңырау шалу арқылы ала алатыны ескертілді.
Бұған дейін синоптиктер қазақстандықтарға 2025 жылдың 21 наурызында ауа райының нашарлауы туралы ескерткен болатын.