09:35, 5 маусым 2025
ҚР ҚМ Мемлекеттік кірістер комитеті 2025 жылғы 6 маусымда сағат 00:00-ден 10:00-ге дейін «Электрондық шот-фактуралар» ақпараттық жүйесі қолжетімсіз болатындығын мәлімдеді, деп хабарлайды Zakon.kz.
Белгілі болғандай, бұл уақытқа жүйені жаңарту және оңтайландыру бойынша техникалық жұмыстар жоспарланған.
«Келтірілген қолайсыздықтар үшін кешірім сұраймыз! Бұл ретте айыппұл санкциялары қолданылмайды»,- деп мәлімдеді ведомство.
Сондай-ақ, қажет болған жағдайда салық төлеушілер ТІЖ, ЭШФ рәсімдеуге және «ЭШФ» АЖ енгізуге құқылы екенін еске салды:
- 2025 жылғы 6 маусымнан бастап күнтізбелік 15 (он бес) күн ішінде қағаз тасығышта жазып берілген шот-фактура;
- 2025 жылғы 9 маусымнан бастап 3 (үш) жұмыс күні ішінде қағаз жеткізгіште жазылған тауарларға ілеспе жүкқұжат.
Бұған дейін Алматыда көлік ұрлап, жеке үйлердің бірінде жасырған екі күдіктінің ұсталғандығы хабарланған болатын.