18:51, 28 сәуір 2025
Астана қаласының Бейсекова және Тілендиев даңғылдарының қиылысында екі деңгейлі жол айырығы салынады. Сол себепті аталмыш көшелердің қиылысы толық жабылады, деп хабарлайды Zakon.kz.
Көлік және жол-көлік инфрақұрылымын дамыту басқармасының мәліметінше, осыған байланысты қозғалыс екі бағытта да алты жолақты жүру арқылы уақытша жолда ұйымдастырылады.
«Жөндеу жұмыстары осы жылдың 1 мамырынан 1 тамызына дейін жүргізілетін болады», делінген хабарламада.
Сурет: Астана қаласы әкімдігі
Елорда тұрғындары мен қонақтары қала жолдарындағы кептелістерді болдырмау үшін қозғалыс бағытын алдын ала жоспарлау сұралады.