21:51, 11 сәуір 2025
Қылышпен семсерлесуден Сеулде (Оңтүстік Корея) өтетін Гран-при турниріне қатысатын Қазақстан ерлер құрамасының алдын ала тізімі жарияланды, деп хабарлайды Zakon.kz.
Ұлттық Олимпиада комиетінің мәліметінше, ауқымды халықаралық жарыста еліміздің намысын үш спортшы қорғайды. Атап айтқанда олар:
- Артём Саркисян,
- Бақдәулет Құралбекұлы,
- Қуаныш Ерғашбай.
Айта кетерлігі, құрамның соңғы нұсқасында өзгерістер болуы мүмкін.
Гран-при турнирі 2–4 мамыр аралығында өтеді.
Бұған дейін спорттық гимнастикадан Хорватияда өтетін Әлем кубогының кезеңіне қатысатын қазақстандық спортшылар тізімі анықталғанын жазғанбыз.