Қазақстандық әнші Димаш Құдайберген «Ақтау – түркі әлемінің мәдени астанасы» жобасының ашылуымен өңір тұрғындарын құттықтады, деп хабарлайды Zakon.kz.
Бұл жайлы ол 2025 жылғы 7 сәуірде өзінің Instagram парақшасында жазды.
«Киелі мекен Ақтауды Түркі әлемінің астанасы атағын алуымен құттықтаймын! Бұл жай ғана мәртебе емес – бұл халқымыздың бай мәдениетін, тарихын, рухын мойындау»,- делінген жазбада.
Мұнымен қоса, ол концертке келген 150 мыңнан астам көрерменге алғысын білдірді.
Бұған дейін Димаштың 87 жастағы маңғыстаулық қолөнер шеберімен кездесіп, оның шөбересіне бұйымдарын сыйға тартқандығы жайлы жазған болатынбыз.