Таразда кісінің қолынан ажал құшқан адамның жансыз денесі табылды. Оны куәгерлер көпқабатты үйлердің маңындағы шағын саябақта көрген. Тапа-тал түсте ауыр қылмыс жасаған күдікті іздестіріліп жатыр, деп хабарлайды Zakon.kz.
Полицейлер басының сау тамтығы қалмаған ер адамның кім екенін анықтады. Ал қолын қанға бояған күдікті тез арада ізін суытқан. Адам өлімі бойынша қылмыстық іс қозғалып, күдікті іздестіріліп жатыр.
«Полиция Тараз қаласындағы шағынауданда ер адамның денесі табылуы бойынша адам өлтіру бабымен қылмыстық іс қозғады. Мәйіттің жеке басы анықталды. Күдіктіні анықтау және ұстауға жедел іздестіру іс-шарасы жүргізіліп жатыр».Жамбыл облысы полиция департаменті баспасөз қызметінің жетекшісі Гүлсара Мұхтарқұлова