14:51, 23 наурыз 2025
Алматыда әскери оқу орнының жеке құрамы Тазару күнінде экологиялық акция өткізді, деп хабарлайды Zakon.kz
ҚР Қорғаныс министрлігі ақпарына сүйенсек, 1500-ден астам әскери қызметші, курсанттар мен мерзімді қызмет сарбаздары көшет отырғызуға, институт аумағын және оған іргелес аймақтарды абаттандыруға қатысты.
Акцияны институт бастығы генерал-майор Нұртас Қабақов басқарды.
«Көгалдандыру – бұл қала экологиясы мен оның тұрғындарының болашағы. Біз үшін бұл бір реттік акция емес. Институттың әскери қызметшілері осындай іс-шараларға үнемі қатысып тұрады», – деп атап өтті ол.
Сурет: ҚР Қорғаныс министрлігі
Экологиялық акция аясында 150-ге жуық ағаш отырғызылып, аумақтарды ауқымды тазарту жұмыстары жүргізілді
«Біз қаланың орталық көшелерінің біріне көшет отырғыздық. Енді бірнеше жылдан кейін өсіп шығатын ағаштар қаланың келбетіне сәйкес келмек», – деді 2 курс курсанты Ерасыл Әскербеков.
Бұған дейін Алматыда «Тазару күні» 8 мың текше метр қоқыс жиналғандығы жайлы жазған болатынбыз.