Экология және табиғи ресурстар вице-министрі Нұркен Шәрбиев 2026 жылғы 8 сәуірде өткен брифингте Қазақстандағы тіркелген иттер мен мысықтар саны туралы мәлімет берді, деп хабарлайды Zakon.kz.
Оның айтуынша, деректер базасында барлығы 312 мың жануар тіркелген.
«Оның ішінде 254 мыңы – иттер», – деп нақтылады Шәрбиев.
Сондай-ақ вице-министр қаңғыбас жануарларға қатысты статистиканы да айтты.
«Қаңғыбас иттер бойынша өткен жылы 276 мың жануар ауланды», – деді ол.
Қазақстанда иттерді жою кезінде жіберілген қателіктер үшін жаза қарастырыла ма – бұл туралы арнайы материалдан білуге болады.