Астананың санитарлық-эпидемиологиялық бақылау департаментінің басшысының орынбасары Мұхамғали Арыспаев елордалық «Мирас» мектебінде болған улану оқиғасының егжей-тегжейін жариялады, деп хабарлайды Zakon.kz.
Оның айтуынша, жаппай улану 30 қаңтарда орын алған.
«Сегіз бала жедел жәрдем қызметіне жүгінді. Алтысына «өткір ішек инфекциясы» диагнозы қойылды, екеуіне – асқазан-ішек жолдарының функционалдық бұзылысы анықталды. Бұл жағдай 30 қаңтардағы түскі асқа байланысты деп есептелуде. Балалардың жасы – 5–6 жас, 0 сынып. Аталмыш сыныпта барлығы 16 оқушы бар, олардың сегізінен ішек бұзылысы тіркелді», – деді Арыспаев.
Ол балалардың барлығы бақылауда екенін және үйде ем алып жатқанын жеткізді.
«»Мирас» мектебінде жоспардан тыс тексеріс басталды. Мектеп 2007 жылы санитарлық-эпидемиологиялық қорытынды алған. Сонымен қатар, асхана қызметін көрсететін кәсіпкер де 2026 жылғы 19 қаңтарда санитарлық-эпидемиологиялық қорытынды алған. Қазіргі уақытта мамандар жоспардан тыс тексеріс жүргізіп жатыр», – деді спикер.
Айта кетейік, бұған дейін балалар арасында қызылша мен туберкулез ауруларының өсуі туралы хабарланған болатын.