18:19, 2 желтоқсан 2025
«Қазгидромет» РМК мамандары 2025 жылдың 3 желтоқсан, сәрсенбі күніне арналған ауа райы болжамын ұсынды, деп хабарлайды Zakon.kz.
Болжамға сәйкес, республика аумағының кей бөліктерінде қолайсыз ауа райы күтіледі.
«Қазақстанның оңтүстік-батысында, солтүстігінде, түнде орталығында, күндіз шығысында атмосфералық фронттардың өтуіне байланысты жаңбыр мен қар түріндегі жауын-шашын жауады, солтүстік пен шығыста – жаяу бұрқасынмен қатар жүреді», — деп мәлімдеді «Қазгидромет» РМК баспасөз қызметі.
Елдің қалған өңірлерінде антициклонның әсері сақталып, жауын-шашынсыз ауа райы болжануда.
«Республика бойынша тұман, көктайғақ, ал оңтүстік-шығыста желдің күшеюі күтіледі», — делінген баспасөз қызметінің хабарламасында.