16:40, 27 тамыз 2025
Ұлттық банк, Қаржы нарығын реттеу және дамыту агенттігі мен Қаржы министрінің «Кәсіпкерлік субъектілерінің банк шоттарынан қолма-қол ақша алу қағидаларын бекіту туралы» бірлескен қаулысының жобасы дайындалды, деп хабарлайды Zakon.kz.
Жоба жаңа редакциядағы қағидаларды бекітуді көздейді. Атап айтқанда, онда:
- жаңа Салық кодексінің қабылдануын ескере отырып, құжаттағы қолданыстағы сілтемелерді өзектендіру;
- мәліметтерді ұсынудың жаңа нысандары;
- кәсіпкерлік субъектілерінің алған қолма-қол ақшасының мақсатты пайдаланылуы туралы ақпаратты қамтитын қосымша енгізу қарастырылған.
Ұлттық банкте атап өткендей, жобаны іске асырудың күтілетін мерзімі – 2026 жылдың I тоқсаны.
Құжат «Ашық НҚА» порталында 12 қыркүйекке дейін көпшілік талқылауына шығарылған.