12:30, 15 шілде 2025
2025 жылдың 15 шілдесінде Ұлттық қауіпсіздік комитетінің (ҰҚК) баспасөз қызметі сотталған діни радикалдар туралы айтты, деп хабарлайды Zakon.kz .
Осылайша, Шымкентте қала тұрғындарының бірі терроризмді насихаттағаны үшін кінәлі деп танылып, 7,5 жылға бас бостандығынан айырылды.
«ҰҚК тергеп жатқан қылмыстық іс аясында оның бейбіт тұрғындарға күш көрсетуге шақырғаны анықталды», – делінген хабарламада.
Ал Астанада Қазақстан аумағында терроризмді насихаттап, экстремистік топтарға адамдарды тартумен айналысқан шетелдік 8 жылға бас бостандығынан айырылды.
Жалпы, ағымдағы жылдың басынан бері Ұлттық қауіпсіздік комитеті тергеп жатқан қылмыстық істер бойынша террористік және экстремистік қылмыстарды жасағаны үшін 60-тан астам адам, оның ішінде үш шетел азаматы әртүрлі мерзімге бас бостандығынан айырылды.
2025 жылдың маусымында Ұлттық қауіпсіздік комитеті дәл осындай қылмыстары үшін сотталған басқа қазақстандықтар туралы хабарлады.