Алматы қаласының тұрғындары мен қонақтарына жолдағы кезекті қолайсыздықтар жайлы ескертілді. Белгілі болғандай, 10 шілдеге дейін Мамыр көшесінде Абай даңғылынан Медеубеков көшесіне дейінгі аумақ жабық болады, деп хабарлайды Zakon.kz.
Almaty_Joly Telegram-арнасы таратқан мәліметке сүйенсек, бұл өзгеріс аталмыш аумақта жүргізіліп жатқан құрылыс-монтаж жұмыстарымен байланысты.
«Су құбыры мен кәріз жүйесінің инженерлік желілерін жүргізуге байланысты шектеу қойылып отыр. Жөндеу жұмыстары жүретін аумақтың ұзындығы шамамен 650 метр»,- делінген ақпаратта.
Сурет: Telegram/AlmatyJoly
Ведомство бұл жұмыс Наурызбай ауданының инженерлік инфрақұрылымын дамыту аясында қолға алынғанын атап өтті.
Сондай-ақ, тұрғындардан маршрутты жоспарлау кезінде осы ақпаратты ескеру сұралды.
Бұған дейін Алматыда Райымбек даңғылының бір бөлігі уақытша жабылатындығын жазғанбыз.