Алматыдан Ресей шекарасына дейінгі жол учаскесі ақылы болды


13:27, 12 ақпан 2025

ҚР Көлік министрінің м. а. 2025 жылғы 7 ақпандағы бұйрығымен Республикалық маңызы бар жалпыға ортақ пайдаланылатын автомобиль жолының Қостанай-Ресей Федерациясының шекарасы (Троицкке) учаскесін ақылы негізде пайдалану белгіленді, деп хабарлайды Zakon.kz.

Құжатта II және III санаттағы Ресей Федерациясының шекарасы (Екатеринбургке) – Алматы республикалық маңызы бар жалпыға ортақ пайдаланылатын автомобиль жолының Қостанай – Ресей Федерациясының шекарасы (Троицкке) 539+000 – 376+000 километр (бұдан әрі – км) (М-36) учаскесі ақылы негізде пайдаланылатыны нақтыланған.

Жүріп өту келесі баламалы жол арқылы жүзеге асырылуы мүмкін: «Ресей Федерациясының шекарасы (Екатеринбургке) – Алматы «Республикалық маңызы бар автомобиль жолының» Қостанай – Рудный – Айет – Ресей Федерациясының шекарасы» аудандық маңызы бар автомобиль жолы.

Ақылы жолдың (учаскенің) бастапқы пункті –539+000 км, ақылы жолдың (учаскенің) соңғы пункті –376+000 км.

Ақылы жолдың (учаскенің) ұзақтығы – 163 км.

Ақылы автомобиль жолымен жүру ақысының ставкалары белгіленді. Бір бағытта:

  • 16 орын­ға дей­ін­гі ав­то­бу­стар және жүк кө­тер­гіш­ті­гі 2,5 т дей­ін жүк ав­то­мо­биль­де­рі — 0,3034 АЕК (кейінгі төлем — 1193 теңге) және 0,2573 АЕК (алдын ала төлем — 1012 теңге);
  • 32 орын­ға дей­ін­гі ав­то­бу­стар және жүк кө­тер­гіш­ті­гі 5,5 т дей­ін жүк ав­то­мо­биль­де­рі — 0,6148 АЕК (кейінгі төлем — 2417 теңге) және 0,5228 АЕК (алдын ала төлем — 2055 теңге);
  • 32 орын­нан аса­тын ав­то­бу­стар және жүк кө­тер­гіш­ті­гі 10 т дей­ін ав­то­пой­ы­здар — 0,9182 АЕК (кейінгі төлем — 3610 теңге) және 0,7801 АЕК (алдын ала төлем — 3067 теңге);
  • Жүк кө­тер­гіш­ті­гі 10 т жо­ға­ры 15 т дей­ін­гі жүк ав­то­мо­биль­де­рі — 1,2270 АЕК (кейінгі төлем — 4824 теңге) және 1,0428 АЕК (алдын ала төлем — 4100 теңге);
  • Жүк кө­тер­гіш­ті­гі 15 т жо­ға­ры жүк ав­то­мо­биль­де­рі, оның ішін­де тір­ке­ме­ле­рі бар ер­шік­ті тарт­қы­штар — 1,5330 АЕК (кейінгі төлем — 6027 теңге) және 1,3028 АЕК (алдын ала төлем — 5123 теңге);

Сондай-ақ, жол учаскелері бойынша жол жүру тарифтері белгіленді.

Бұл ретте, жеңіл автомобильдер жол ақысынан босатылады.

Бұйрық 2025 жылғы 22 ақпаннан бастап қолданысқа енгізіледі.