21:16, 27 тамыз 2025
Алматыда полиция бір тәулікте бірнеше қылмысты әшкереледі, деп хабарлайды Zakon.kz.
Алматыда 26 тамыздан бастап республикалық «Құқықтық тәртіп» жедел-алдын алу іс-шарасы басталды.
Іс-шараның алғашқы күні-ақ полицейлер «ізін суытпай» 24 қылмыстың бетін ашты.
«Әшкереленген құқық бұзушылықтардың қатарында ұрлық пен алаяқтық, есірткі мен қаруды заңсыз сақтау, сондай-ақ мас күйінде көлік жүргізу деректері бар», — делінген хабарламада.
Сонымен бірге тәртіп сақшылары бұрын жасалған 14 қылмысты ашып, іздеуде жүрген тоғыз адамды қолға түсірді. «Нелегал» санатында есепте тұрған 13 адам да анықталды.
«Құқықтық тәртіп» жедел-алдын алу іс-шарасы 28 тамызға дейін жалғасады.