19:36, 18 шілде 2025
Алматыдағы Желтоқсан көшесінде BRT жобасын жүзеге асыру аясында жүргізілетін құрылыс-монтаж жұмыстарына байланысты көлік қозғалысына уақытша шектеулер енгізіледі, деп хабарлайды Zakon.kz.
AlmatyJoly Telegram-арнасының мәліметінше:
- 19 шілде сағат 08:00-ден бастап 20 шілде сағат 06:00-ге дейін Абай даңғылынан Төле би көшесіне дейінгі аралықта көлік қозғалысы толықтай жабылады.
- 20 шілде сағат 08:00-ден бастап 21 шілде сағат 06:00-ге дейін Төле би көшесінен Райымбек батыр даңғылына дейінгі бөлікте көлік қозғалысы шектеледі.
Сондай-ақ, жөндеу жүріп жатқан аумақтарда:
- ескерту белгілері,
- мердігер ұйым басшысының байланыс деректері жазылған стендтер орнатылады.
Еске салайық, Алматы әуежайы уақытша бір кіреберісін жабатынын хабарлаған едік.